Tradisjon tru, The Bruuds i festivalteltet! Mellom scenekonsertane skal denne joviale gjengen sørga for at mat og drikkepausen vert innhaldsrik, her kan du venta allsang på høgt nivå!

Grunna uventa omstendigheitar får dessverre ikkje The Dogs gjennomført konserten på årets Målrock som planlagt. Men frykt ikkje, erstattar er klar: RAASKINN tek med seg det nye albumet ned i Meieriparken, og skal gjera det dei kan best: sørga for liv og topp stemning!

Målrock er utruleg glade for å få ta imot brennheite Golfklubb for fyrste gong! Me vonar at Målrockarar i alle aldrar gler seg over at ein av Noregs mest spennande artistar tek turen til Årdal, dette blir show!

Målrock gler seg stort til å få Hagle tilbake til Årdal – berre tre år sidan sist! Bandet frå Indre Østfold har på rekordtid etablert seg som ein av dei mest populære norske artistane, både på streaming og på scena.

Oslo Ess:

Med sine sju føregåande studioalbum, elleve radiosinglar og eit tusental konsertar bak seg i det ganske land, skal det vere nesten umogeleg å ikkje kjenne lyden av desse rennesteinsjarmørane som har sparka opp dører, knust vindauge og selde ut kjellarrom, stover og storhaller rundt om i landet sidan gjennombruddet i 2010.

Nordvendt, europeisk, open, stor, personlig og melankolsk – er ord som kan knytast til Kari sin musikk. Den enorme spennvidda i konsertene hennar er ein signatur for Kari Bremnes band. Frå det lysaste til det ganske mørke og råe. Og heile tida med ei nærheit til folk og livsskjebnar.