Fredag 9. august

Trang Fødsel

Den norske popgruppa vart danna i Bergen i 1992, med den sjarmerande frontfiguren Hans Petter Aaserud i spissen. Sidan dette har gruppa levert fleire hittar som «Kursiv», «Fredag» og «Drømmedame». Trang Fødsel er kjent for festlige liveshow som representera den norske sommaren på sitt beste.

Stilige Dann

Øyvind Lægreid, mannen bak «Eagles på nynorsk» har no tromma saman eit nytt tributeband, til æra for den amerikanske gruppa Steely Dan. «Stilige Dann» er namnet og alle tekstar er sjølvsagt på nynorsk. Ideen var å setja nynorske/dialekttekstar til nokre av Steely Dan sine mest kjende låtar. Steely Dan vart etablert i 1972. Jazz, fusion, rock, funk og pop stod på repertoaret til gruppa som var kjend for å vera perfeksjonistar i alle musikalske samanhengar.

The September When

Det allers største norske rockebandet på nittitallet, The September When, er klare for Målrock 2019. Med Morten Abel i spissen har TSW levert klassiske album som «Huggermugger», «One Eye Open» og «Mother I’ve Been Kissed» og satte verkelege ein ny standard for norsk rock når dei herja hitlistene her til lands. No er dei endeleg attende på vegen og legg turen innom Målrock klare for allsong til superhitar som «Bullet Me», «Can I Trust You» og «Cries Like A Baby». Detta blir garantert ein høgdare folkens!

 

 

YUNG WIGZ, HAGLUNDEN & KING TEIGEN

 

Det blir urban bygderap med lokale Yung Wigz, Haglunden og King Teigen! Dei lokale rapparane har det siste året laga eigen musikk på både nynorsk og engelsk. Songar som «Prata Drit» og «Fardalen» har den siste tida blitt veldig populære blant dei unge i industribygda og fylket ellers. Yung Wigz, Haglunden og King Teigen har framført på lokalfestar i Årdal til stor suksess, og er no klare for å laga show på Målrock.

Artistane sjølve seier dei begynte med musikk berre for moro, men er meir enn klar for å opptre på årets festival. Målet er å lage god stemning.

Festivalsjef Thomas Norheim Moen har dette å seie: «Me har merka oss at det er eit groande miljø for rap i Årdal og at Yung Wigz, Haglunden & King Teigen har ein stor fanskare, blant små og store. Så det skal bli kult å sjå korleis dei taklar å stå på ei stor scene. Litt av Målrock sitt formål er å fremje nye artistar, så det er i vår ånd å la lokale opptre på scena vår.»

 

Fredag 9. august står Yung Wigz, Haglunden & King Teigen på scena i Meieriparken – det skal bli eit sabla show, kara!

Omar Noir

Omar Noir, tidligare kjent som Blvck O, er ein bergensrappar som stadig aukar i popularitet i hip/hop miljøet. Omar har varma opp for artistar som «The Game», «Unge Ferrari» og «Skepta». Omar rappar på engelsk og sangen «The Plot» har passert 700 000 avspelingar på Spotify. Medan Omar har jobba med å produsere sin eigen musikk på norsk og engelsk har han samarbeida med blant anna artistar som giganten «Alan Walker».

STAUT

Med kombinasjonen av fengande melodiar, sterke og gode tekster, særdeles dyktige musikara og ikkje minst eit valdsomt driv og energi på scena, har gjengen frå Valdres vakse seg opp til å bli ein av dei absolutt leiiande innan sin sjanger – folkrock.

Laurdag 10. august

Olav Stedje

Den aller fyrste popstjerna frå Sogn og Fjordane er Olav Stedje. Sogndølen har alltid vore trivselfylket sitt store musikkalibi, noko han eigentleg er enda, for kor enn han dreg så kjem publikum trufast på konsertane. Med låtar som «Silje», «Ein Nordmann Sin Draum», Vi Vandrar Saman» og sjølvsagt «Stao No Pao» så kjem dette til å bli eit nydeleg møte med Olav Stedje som endeleg er attende på Målrock.

Kaia Höl

Årdølen er ein sjølvlært songskrivar og produsent. Allereie som 12-åring starta Kaia å produsere sin eigen musikk, og har vore svært aktiv sidan dette. Musikken hennar går under kategoriane indie, electronic og dream pop.

Sondre Justad

Denne karen er Norges desidert største norsksyngande popartist. Debutalbumet «Riv i Hjertet» låg over eit halvanna år på VG-lista og låtane fekk over 30 millionar streams. Sondre Justad har fått ein heil ungdomsgenerasjon til å syngja med på dei fantastiske konsertane sine, og han har eit stadig voksande pubklikum i alle aldrar. Sist gong Justad besøkte Målrock var han ung, lovande og for mange ukjent, men etter den konserten har alle inkludert Målrockpublikummet fått augene opp for denne fantastiske liveartisten. No kjem han endeleg tilbake til Målrock og er klar til å gje Målrockarar ei enorm konsertoppleving som garantert vil «Riva i Hjartet»!

Tyyl!

Detta nydelige rockeorkesteret har med konstant og fengande rock levert ei rekkje episke låtar med tekstar på sognamål. Håvard Øyrehagen og resten av Tyyl! er tilbake i studio og kjem snart med ei rykande fersk plate. Bli med på moroa folkens, for dei melde om stigande form og er klare for å rocke Målrock til Sognefjorden kjem på land!

Howlin Sun

Howlin’ Sun ​- eit rockeband som er kjent for rå og frekke liveshow, der elementer frå den britiske 60-talls bluesen blanda med det beste frå gitardreven rock. Howlin’ Sun sitt debutalbum kom ut i februar 2018 og har hausta strålande kritikk frå europeiske kritikarar.

Vestlandsfanden

Når folkrock-bandet Vestlandsfanden kjem dundrane langs vegen med følget sitt er det berre til å hva seg med på moroa. Med sitt ekstremt smittande humør og svingande folkrock risikerar du å havne på dansegolvet og opp på borda før du veit ordet av det. Vestlandsfanden med Reidar Brendeland i spissen har levert festmusikk i 38 år og med låtar som «Plukka plommer i Hardanger» og «For livets glade gutter går solen aldri ned» kjem dette til å bli ein festkveld ein ikkje kan gå glipp av.

Søndag 11. august

Fjelljom på Paradisjuvet

Solbjørg Kvålshaugen, kjend frå tv – serien fjellfolk, kjem til fjelljom for å gje ei gneistrandes oppleving på paradisjuvet. I samarbeid med vår eigen Ketil Thorbjørnsen, har ho i ei årrekke bergtatt fjellfolk med tolkningar av Åsmund Olavson Vinje si diktning, tonsatt av Thorbjørnsen. Dette vert magisk!

Frida Hunshammer har utan tvil sunge seg inn i hjartet til Noregs befolkning. Med sterke låtar, fantastisk karisma og fjellstø vokal, er det duka for ei sterk oppleving sundagen under målrock !

Beatrice Juskaite er eit av dei aller, aller største jazztalenta Noreg har! Med sine beskjedne 16 år, har ho allereie ein eigenprodusert katalog av kremlåtar som vil gjere einkvar etablert jazzmusikar svartsjuk! Beatrice har sin eigen stil som er var, original og suggerande. Ho er klar for fjelljom!!

Verdsmannen Thorbjørnsen har tre kritikarroste plater bak seg. Han har vorte nominert til årets artist i sogn og fjordane heile tre gonger av NRK, og er ein av Noregs beste artistar! På paradisjuvet lovar han ei oppleving av dei sjeldne; sterke nynorske tekstar, framført av eit fjelljomband i storform!

Saman med Årdal sogelag, barnas turlag, Årdal turlag og 4 H ynskjer vi velmøtt till ei unik oppleving!